ممبئی: بھارتی معروف اداکارہ کاجول نیدلچسپ انکشاف کرتے ہوئے اپنے مداحوں کو اس وقت ورطہ حیرت میں مبتلا کردیا کہ اگر شاہ رخ خان انہیں شادی کے لیے پروپوز کرتے تو میں ان سے شادی کرلیتی۔تفصیلات کے مطابق بھارتی فلم اسٹار کاجول نے سماجی رابطے کی ویب سائٹ انسٹاگرام پر سوال و جواب کے سیشن میں اپنی زندگی کے اہم راز سے پردہ اٹھاتے ہوئے مداحوں کی جانب سے پوچھے گئیمتعدد سوالات کے جواب دیئے۔اِس سیشن کے دوران مداحوں نے ان سے شاہ رخ خان کے متعلق بھی سوال کیے ، ایک مداح نے سوال کیا کہ اگر آپ اپنے شوہر یعنی اجے دیوگن سے نہیں ملتیں تو کیا آپ شاہ رخ خان سے شادی کرتیں؟مداح کے اِس سوال کے جواب میں کاجول نے بھی دلچسپ جواب دے دیا، اداکارہ نے لکھا کہ اگرشاہ رخ خان پوچھ لیتے تو۔۔؟ایک مداح نیاداکارہ سے یہ سوال کیا کہ اگر آپ کو اجے دیوگن یا شاہ رخ خان میں سے کسی ایک کے انتخاب کا موقع دیا جائے تو آپ کس کو لیں گی؟ اِس سوال کے جواب میں کاجول کا کہناتھا کہ ۔صورتحال پر انحصار کرتا ہے۔ایک دوسر ے سوال میں ان سے پوچھا گیا کہ آپ اپنے اور شاہ رخ خان کے تعلق کو ایک جملے میں بیان کریں؟ اداکارہ نے کہاکہ زندگی بھر کے لیے دوست۔ یاد رہے کہ شاہ رخ خان اور کاجول کی جوڑی کا شمار بالی ووڈ کی سب سے بہترین جوڑی میں ہوتا ہے، اِس جوڑی نے ایک ساتھ کام کرکے بہت سی کامیابیاں حاصل کی ہیں،جن میں دِل والے دلہنیا لے جائیں گے، کچھ کچھ ہوتا ہے، بازی گر، کبھی خوشی کبھی غم شامل ہیں ۔
