۔حکومت بلوچستان کے ترجمان لیاقت شاہوانی نے اپنے ایک بیان میں کہا ہے کہ موجودہ حکومت وزیراعلیٰ جام کمال کی قیادت میں عوامی ضروریات

کوئٹہ 30 مئی۔حکومت بلوچستان کے ترجمان لیاقت شاہوانی نے اپنے ایک بیان میں کہا ہے کہ موجودہ حکومت وزیراعلیٰ جام کمال کی قیادت میں عوامی ضروریات زندگی کی دستیابی کو سہل کرنے کیلئے انقلابی اقدامات کررہی ہے ۔ موجودہ بجٹ بھی ان ہی اقدامات کی ایک کڑی ہے وفاق سے پہلی بار صوبہ بلوچستان کو فنڈز جاری کرنا صوبائی حکومت کی کامیابی ہے اور اس میں کسی کی طرف سے کوئی شکوہ کرنا نہایت ہی باعث افسوس ہے ۔ صوبائی حکومت کمزور معاشی حالات میں بھی عوام کی بہتری کیلئے اقدامات کررہی ہے تاکہ صوبے کو خوشحالی کی راہ پر گامزن کرکے ترقی کی منزلوں کا حصول ممکن بنایا جاسکے ۔ صوبے کو معاشی ترقی کے ساتھ ساتھ تعلیمی اور صحت کے حوالے سے اقدامات کئے جارہے ہیں ۔ جن کے ثمرات جلد ہی عوام تک پہنچیں گے اور جلد ہی صوبہ ترقی کی راہ پر گامز ن ہوگا۔

اپنا تبصرہ بھیجیں