ڈپٹی کمشنر گوادر کیپٹن (ر) محمد وسیم نے کہا ہے کہ آج پاکستان سمیت دنیا بھر میں معذور افراد کا عالمی دن منایا جارہے

گوادر 03دسمبر :۔ڈپٹی کمشنر گوادر کیپٹن (ر) محمد وسیم نے کہا ہے کہ آج پاکستان سمیت دنیا بھر میں معذور افراد کا عالمی دن منایا جارہے اس دن کے منانے کا مقصد خصوصی افراد کی تکالیف اور ان کے معاشی و سماجی حقوق سے لوگوں میں آگاہی پیدا کرنا اور سپیشل افراد کو ملک کا مفید شہری بنانے کیلئے اقدامات کرنا ہے ان خیالات کا اظہار انہوں نے سماجی بہبود اور الخدمت فاؤنڈیشن کے زیراہتمام منعقدہ عالمی یوم معذوراں کے تقریب سے خطاب کرتے ہوئے کیا تقریب میں معذوروں اور سماجی تنظیموں کے نمائندوں سمیت مختلف شعبے سے تعلق رکھنے والے افراد کی ایک بڑی تعداد نے شرکت کی تقریب سے الیکشن کمشنر رسول بخش بلوچ مولانا ہدایت رحمان،سوشل ویلفیئر افسر عبیداللہ،ارسی ڈی سی کے ناصر سہرابی انجمن معذروران کے چیئر مین شکیل غریب سمیت دیگر نے خطاب کیا اس موقع پر ڈپٹی کمشنر نے کہا کہ معذور افراد جسمانی معذوروی کا شکار ہو سکتے ہیں لیکن مجبور ہرگز نہیں جسکی واضح مثال اس صدی کے عظیم سائنسدان اسٹفن ہاکنگ بہترین مثال ہے جو معذور ہونے کے باوجود بھی ایک بہترین سائنسداں بنانے میں کامیاب ہوئے حکومت خصوصی افراد کے فلاح وبہبود کے لیے ہر ممکن اقدامات کررہی سیمیری کوشش ہے ضلع گوادر کے معذوروں کے ہرممکن مدد کی جائے اس سلسلے میں خصوصی افراد کے مختص کوٹے پر عملدرآمد کو بھی یقینی بنایا جارہا ہے تقریب سے مقررین نے عالمی یوم معذوراں پر تفصیلی روشنی ڈالی اور کہا کہ معذوروں کے در پیش مسائل سے عوام کو آگاہ کرانا، انکے بنیادی حقوق کو عام انسانوں کے سامنے لانا اور معاشرے میں انکی مکمل حصہ داری کو بتلانا ہے جو معذوروں کو سماج کے دھارے سے جوڑنے کے لئے بہت ضروری ہے،سماج میں معذور افراد اکثر امتیازی سلوک کے شکار ہوجاتے ہیں انکی حالت عام انسانوں کی طرح نہیں ہوتی لوگ ان کے ساتھ اچھا برتاؤ نہیں کرتے اسلئے ضرورت اس بات کی ہے کہ سوسائٹی معذور افراد کو سماجی، سیاسی، اقتصادی اور ثقافتی ہر پہلو کے مین اسٹریم سے جوڑنے کیلئے مناسب اقدام کرے، تقریب کے آخر میں الخدمت فاؤنڈیشن کی جانب سے معذور افراد میں وہیل چیئر بھی تقسیم کیے گئے جبکہ تقریب ڈپٹی کمشنر کی جانب سے بہترین کار کردگی کا مظاہرہ کرنے والے معذور افراد میں نقد رقم بھی تقسیم کیے گئے۔

اپنا تبصرہ بھیجیں